Stack

Stack linear ma'lumot strukturasi bo'lib LIFO (Last In First Out) tamoyili asosida ishlaydi. Ya'ni Oxiri kirgan birinchi chiqadi. Buning asosiy ma'nosi shundaki biz arraydagi elementlar ketma-ket joylashishini tasavvur qilsak, stackda esa ularni ustma-ust deb tasavvur qilishimiz kerak. Misol uchun mana bu rasmdagi kitoblar singari:

Kitoblar ustma-ust tahlangan va eng yuqorisidagi birinchi olinadi, agar yangi kitob qo'shilsa yuqori qismiga tushadi. Juda sodda bo'lmasada menimcha sizga bu tushunarli bo'ldi deb umid qilaman. Keling uning asosiy operatsiyalari haqida gaplashsak:

• push(element) - to'plamga berilgan elementni qo'shish uchun ishlatiladi.
• pop() - to'plamning eng yuqorisidan elementni olib tashlash uchun ishlatiladi.
• peek() - to'plamning eng yuqorisidagi elementni o'chirmay qaytarish uchun ishlatiladi.
• is_empty() - to'plam to'la yoki to'la emasligini tekshirish uchun ishlatiladi.

Agar siz biror elementni eng pastiga qo'shmoqchi bo'lsangiz avval yuqorida turgan barcha elementlarni olib keyin uni qo'shishingizga to'g'ri keladi.

LIFO tamoyili

Ushbu tamoyliga asoslanib aytishim mumkinki, push() elementni yuqori qismiga qo'shsa, pop() yuqoridan elementlarni olish uchun ishlatiladi.

Yuqoridagi rasmda elementlar qanday qo'shilishi va qanday olinishi haqida qisqacha ko'rsatib o'tilgan. Aynan shu amallar bizga LIFO ya'ni Last In First Out tamoyili qanday ishlashini ko'rsatib beradi.

Agar stack to'lib qolib boshqa element qabul qilmay qolsa, bu xabarni boshqalarga aytish uchun biz "Stack overflow" deymiz 😁. (xazil emas)

Biz Stackni turli xil yo'llar bilan implement qila olamiz. Ba'zi dasturlash tillarida Array ishlatsak ba'zilarida esa linked list ishlatamiz. Asosiy faktor o'sha dasturlash tilida array qanchalik flexible (moslashuvchan) ekanligiga qarab tanlov qilinadi.

Qisqacha qilganda Stack haqida shular edi. Endi esa uni qanday qilib siz bilgan dasturlash tilida kodga tushirishni ko'rib, o'rganib, mashq qilib chiqing. Keyin esa sayohatni yana birgalikda davom etamiz...